ფენოქსიპროპიონის მჟავას ქირალური ნაწარმების ენანტიომერული ანალიზი სითხურ ქრომატოგრაფიაში პოლისაქარიდული ქირალური სტაციონარული ფაზების გამოყენებით

ავტორი: ანა ღიბრაძე
თანაავტორები: ბეჟან ჭანვეტაძე
საკვანძო სიტყვები: ფენოქსიპროპიონის მჟავას ქირალური ნაწარმები, სითხურ ქრომატოგრაფია
ანოტაცია:

ფენოქსიპროპიონის მჟავას ნაწარმები ფართოდ გამოიყენება როგორც სასოფლო-სამეურნეო დანიშნულების შხამქიმიკატები (ძირითადად ჰერბიციდები).სოფლის მეურნეობაში გამოყენებული ფენოქსიპროპიონის მჟავას ნაწარმების უმრავლესობა ქირალურ ნივთიერებებს წარმოადგენს და დღესდღეობით ძირითადად შეუსწავლელია მათი მოქმედების, სასოფლო სამეურნეო კულტურებში აკუმულირების და ბიოდეგრადაციის ენანტიოსელექტიური ასპექტები.Aამ საკითხების კვლევისათვის აუცილებელია ფენოქსიპროპიონისმჟავას ნაწარმების ენანტიოსელექტიური ანალიზის მეთოდების დამუშავება. წინამდებარე სამუშაოს მიზანს წარმოადგენს ფენოქსიპროპიონის მჟავას ქირალური ნაწარმების ენანტიომერების დაყოფის მეთოდების დამუშავება სითხურ ქრომატოგრაფიაში ახალი ტიპის პოლისაქარიდული ქირალური სტაციონარული ფაზების და პოლარულ-ორგანული, ნორმალური და შებრუნებულ ფაზიანი ელუენტების გამოყენებით.განსაკუთრებული ყურადღება მიექცევა ენანტიომერების ელუირების რიგის და ამის საფუძველზე ქირალური გამოცნობის მექანიზმების კვლევას.შესწავლილი იქნება სტაციონარული და მოძრავი ფაზების ქიმიური შედგენილობის და დაყოფის პირობების გავლენა ენანტიომერების ელუირების რიგზე.Mმიმდინარე ეტაპზე ჩატარებულია წინასწარი სამუშაოები მხოლოდ პოლარული ორგანული მოძრავი ფაზების გამოყენებით და მოხსენებაში წარმოდგენილი იქნება ამ სამუშაოთა შედეგები.

მიმაგრებული ფაილები:

The enantiomeric analysis of chiral derivatives of phenoxypropionic acid by HPLC using polysacharide chiral stationary phases [en]
ფენოქსიპროპიონის მჟავას ქირალური ნაწარმების ენანტიომერული ანალიზი სითხურ ქრომატოგრაფიაში პოლისაქარიდული ქირალური სტაციონარული ფაზების გამოყენებით [ka]