ერთი კლასის სინგულარული ინტეგრალური განტოლებების მიახლოებითი ამოხსნის შესახებ

ავტორი: არჩილი პაპუკაშვილი
საკვანძო სიტყვები: სინგულარული ინტეგრალური განტოლება, კოშის ტიპის ინტეგრალი, ბზარი, ანტიბრტყელი ამოცანა, კოლოკაციის მეთოდი, სპექტრალური მეთოდი, ასიმპტოტური მეთოდი.
ანოტაცია:

ნაშრომში შესწავლილია ბზარებით შესუსტებული შედგენილი (უბნობრივ-ერთგვაროვანი) სიბრტყისთვის დრეკადობის თეორიის ანტიბრტყელი ამოცანების ამოხსნა ინტეგრალურ განტოლებათა მეთოდით. ანალიზურ ფუნქციათა თეორიის გამოყენებით დრეკადობის თეორიის ანტიბრტყელი ამოცანები ორთოტროპიული (კერძო შემთხვევაში იზოტროპიული) სიბრტყისთვის მიიყვანება უძრავი განსაკუთრებულობის შემცველ სინგულარულ ინტეგრალურ განტოლებათა სისტემაზე (წყვილზე) მხები ძაბვების ნახტომების მიმართ,როდეცაც ბზარი კვეთს გამყოფ საზღვარს (A ამოცანა). კერძო შემთხვევაში, როდესაც ბზარი გამოდის გამყოფ საზღვარზე, გვაქვს უძრავი განსაკუთრებულობის შემცველი ერთი სინგულარული ინტეგრალური განტოლება (B ამოცანა). შესწავლილია ამონახსნის ყოფაქცევის საკითხები ბზარის ბოლოების მახლობლობაში და განყოფ საზღვარზე. წარმოდგენილ ნაშრომში მოყვანილია მიახლოებითი ამოხსნის ზოგადი სქემები და ჩატარებულია რიცხვითი გათვლები კოლოკაციისა და ასიმპტოტური მეთოდების გამოყენებით.

მიმაგრებული ფაილები:

On approximate solution of one class of singular integral equations [en]
ერთი კლასის სინგულარული ინტეგრალური განტოლებების მიახლოებითი ამოხსნის შესახებ [ka]